تعرف علي أفضل مميزات GMail الاختبارية

نظريات عالهامش,من وين طلع هالرمز العالمي مثل $ ؟ وشنو يعني “دولار”؟الدولار اسم اجنبي من كلمة thaler - معا نعبر الصراط

من وين طلع هالرمز العالمي؟ وشنو يعني “دولار”؟

مرات يكتبونه بشخطه وحده مثل $ ومرات بشخطتين كله واحد ماكو فرق، على حسب انت ومزاجك اذا لك خلق تشخط شخطتين ولا بس شخطه، انا مالي خلق حتى اكتب الشعار كله على بعضه زين قاعد اكتب موضوع عنه لول 

الرمز هذا مكون من S وشخطه، الـS يعني اختصار Spicy والشخطه يعني “ماله داعي”، لما تطلب وجبه من مطعم هندي وتقول لهم دولار وتغمز راح يفهمونها يعني ما تبي اكلك سبايسي حار ، بس اذا قلتها حق مطعم امريكي راح يزيدون الدقوس دير بالك 

الرمز هذا مشهور لتحديد وحدة النقد، يسمونه علامة الدولار مثل ما اهو مشهور بس قليل يدرون انهم يسمونه بعد علامة البيزو، يعني ما يمثّل بس عملة الدولار الأمريكية، المفروض يرمز حتى حق عملة البيزو للمستعمرات الاسبانية وهو منشأ العلامة بالأساس.

أول ما طلع الرمز كان خلال الـ1770م في وثايق السجلات التجارية بين المستعمرين الانجليز والأسبان في القارة الأمريكية. بس ما اشتهر الرمز بصورة واضحة إلا في الـ1800 تقريباً مع بداية صك الدولار الأمريكي رسمياً، قبلها كان بس حق البيزو لأنها العملة المشهورة المتداولة في ذيك المنطقة.

أيام أول المستعمرين كانوا يكتبون المبالغ ويحطون يمها Peso مثل “1 peso”، بعدين بعضهم قاموا يختصرونها ويكتبون بس “p” صار بس “1 p”. بس لما يجمعون مبلغ كبير يحطون “s” يعني للجمع، مثل “60 pesos” ويختصرونها “60 ps” الـS تكون صغير مكتوبه فوق بروحها مسكينه متعلقه بالطوفه  شوي شوي قاموا يدمجون الحرفين ببعض وصار شكل يشبه علامة الدولار بو شخطتين. مع الوقت هم قاموا يختصرون أكثر ويكتبون شخطه و S علما وصل الشكل النهائي “$”.

مثل ما قلت أول شي البيزو كانت العملة المشهورة عالمياً ذيك الايام والأمريكيين كانوا يبون يقلدون العملة عشان يساوونها من ناحية المبلغ ويقدرون يستخدمونها مع الأسبان وكل الناس اللي يميزون العملة الأسبانية، إذا كانوا يحطون رمز غريب يديد راح ياخذ وقت علما يتقبله الناس، من جذي طبعوا هالرمز المشهور وصكوا الفلوس المعدنية بنفس الوزن والمعدن،

والوزن والمعدن والرمز إذا تطابقوا يعني القيمة تكون مطابقة والناس ما يستغربونها ويتداولونها طبيعي، صار البيزو الواحد يساوي الدولار الواحد. 

شنو يعني دولار؟

الدولار اسم اجنبي من كلمة thaler اختصار لكلمة Joachimsthaler وهي عملة نقدية من Joachimsthal في بوهيميا (منطقة صايره في جمهورية التشيك حالياً)، من أول المناطق اللي صكت العملات النقدية في 1516 ميلادي.

شنو يعني بيزو؟

كلمة اسبانية معناها الحرفي “وزن”.

أي دول تستخدم عملة البيزو حالياً؟

الأرجنتين، تشيلي، كولومبيا، كوبا، الدومينيكان، المكسيك، الفلبين، والأوروغواي.

تذكرت موضوع معنى وأصل تسمية العملات العربية كتبته من زمان اللي يبي يراجعه عشان يعرف أساس عملاتنا ومعانيها 

نظريات عالهامش

في نظرية مشهورة يقولون فيها علامة الدولار بو شخطتين هذي يعني حرف الـU و الـS لما يكتبونهم فوق بعض، يعني اختصار United States، بس النظرية غلط تاريخياً، الوثايق تثبت وجود الرمز قبل وجود الولايات المتحدة وإسمها حتى، مستحيل يسوون الرمز عليها وهي لي الحين مو مشهورة بهالاسم.

وفي نظرية ثانية ترجع للأساطير اليونانية ان الرمز يرجع لهرميز، مراسل الآلهة اليونانية وولد زيوس ومايا بنت الجبار أطلس. هرميز معروف هم عندهم انه إله التجارة وكان عنده عصا ذهبية اسمها Caduceus ملفوف عليها ثعبانين (مثل علامة الصيدلية القديمة). يقولون علامة الدولار $ اختصار حق رمز عصاته بس هالنظرية ضعيفه مقارنة بالموجود من أدلة تاريخية أقوى فيها تسلسل تطور العلامة.

من وين طلع هالرمز العالمي؟ وشنو يعني “دولار”؟
مرات يكتبونه بشخطه وحده مثل $ ومرات بشخطتين كله واحد ماكو فرق، على حسب انت ومزاجك اذا لك خلق تشخط شخطتين ولا بس شخطه، انا مالي خلق حتى اكتب الشعار كله على بعضه زين قاعد اكتب موضوع عنه لول
الرمز هذا مكون من S وشخطه، الـS يعني اختصار Spicy والشخطه يعني “ماله داعي”، لما تطلب وجبه من مطعم هندي وتقول لهم دولار وتغمز راح يفهمونها يعني ما تبي اكلك سبايسي حار ، بس اذا قلتها حق مطعم امريكي راح يزيدون الدقوس دير بالك